Abavubuka ba musaayi muto abegattira mu kisinde kya UYD Reloaded batabukidde president wabwe mu kibiina kya Democratic Party era Minister wa ssemateeeka néssiga eddamuzi Nobert Moa bamuwadde essaawa 14 nga ngáwaddeyo kaadi yékibiina kyabwe era abakulemebeze babwe abalala.
Mu lukungaana lwa mawulire lwebakubye ku Pope Paul, Hotel Mu Ndeeba mu Kampala, nga bakulembeddwamu Jonah Ssemukuye akulira abavubuka ba UYD mu bitundu by’e Entebbe ng’ali wamu ne Namirembe Angella bategezezza nti akalembereza ke bawadde Minister Nobert Mao okuzaayo kaadi ya Democratic Party kaweddeko.
Batiisizza okweyiwa ku kitebe kya Dp ekisangibwa ku luguudo Balintuuma e Mengo okusalawo ekiddako
Mungeri yeemu abavubaka bano bategezza nti obubonero n’ebikolwa ebikolebwa president w’e kibiina kya Dp Nobert Mao byeyoreka buterevu nti yasala dda eddiro wadde nga tavangayo kwasanguza.
Wabula Nobert Mao, ssenkagale wa DP era minister webyamateeka yasinzidde ku kitebe kya DP, naagugumbula banna kibiina kya DP abatandiise okukola obukundi kundi obwabuluza mu kibiina, yagambye nti siwakubugumiikiriza.
Abamu ku bannakibiina kya DP bazze bemulugunya ku kya Nobert Mao okukkiriza okuweereza nga minister mu government ekulemberwa ekibiina kya NRM, ate násigala ku bukulembeze bwékibiina ekiri ku ludda oluvuganya.
Bisakiddwa: Ssebuliba Julius
