Ekitongole ekivunanyizibwa ku kutegeka ebibuuzo eby’akamalirizo mu ggwanga ekya UNEB kitaddewo nsalesale w’ennaku z’omwezi nga 31 May omwaka guno ng’ebbanga ettongole ery’okuwandisazaamu abayizi bonna abanaakola ebibuuzo omwaka guno.
Omuwandiisa abayizi ba P.7 , S.4 ne S.6 kwatamdika nga 01 April kukoma nga 31 May 2023.
Rose Nabukenya Mukasa akulira ebibuuzo mu kitongole kya UNEB atagezeza nti abakulu b’amasomero abanalemererwa okuwandiisa abayizi mu bbanga eryo ettongole eritereddwawo, bakukubwa engassi ya sente ezikubisiddwamu ebitundu 50 ku buli 100, oba ebitundu 100 ku buli 100 kw’ezo zebasassula nga bawandiisa abayizi.
Sente engole ezirina okusasulwa; P.7 34,000, S.4 – 164,000, S.6 – 186,000.
Ensimbi ezo zaakusasulwa abayizi bonna abali mu masomero g’obwannanyini, so nga bbo abali mu masomero ga government mu nkola eya UPE ne USE bonna government yegenda okubasasulira.
Rose Nabukenya era alabudde nti abakulu b’amassomero balina okukimanya nti okusassuza ssente ezitalambikiddwa ekitongole kya UNEB kimenya mateeka era musango gwa naggomola.
Mu mbeera yemu Rose Nabukenya ategezeza nti bakaanyizza n’ekitongole kya KCCA okuddamu okufulumya Pass lips empya ez’abayizi e 3,972 abaava mu massomero ga Kampala 51 abattuula ebibuuzo bya PLE mu mwaka gwa 2019 kyokka nezibulira mu KCCA, oluvanyuma lw’okuzikima okuva ku UNEB kyokka abayizi nebatazifuna kibasobizese okwewandiisa okutuula ebigezo bya S.4.#
