Ekibiina ekiddukanya emizannyo gya Olympics mu Uganda ekya Uganda Olympics Committee, kikakasiza nti Uganda egenda kuvuganya mu mizannyo gy’obusiraamu egya Islamic Solidarity Games egy’omwaka guno 2025, egigenda okubeera mu kibuga Riyadh ekya Saudi Arabia.
Uganda Olympics Committee ekinogaanyizza nti mu kiseera kino bamaze okuteekateeka ttiimu kabariiti egenda okuvuganya mu mpaka zino.
Ttiimu Uganda egenda kuvuganya mu mizannyo okuli emisinde, okusitula obuzito, okuwuga, ensero, ebikonde, Table tenis ne Wrestling.
Emizannyo gino gigenda kubeera gya mulundi gwa mukaaga nga gitegekebwa, era gigenda kubeerawo okuva nga 07 okutuuka nga 21 omwezi ogujja ogwa November, gyakwetabwamu amawanga 57 omuli ne Uganda.
Emizannyo gino gizannyibwa buli luvannyuma lwa myaka 4, era gibaddewo okumala emyaka 20.
Uganda evuganyizza emirundi gyonna okuva mu 2005 e Mecca, 2013 mu Palembang, 2012 e Baku, ne 2021 e Konya.
Bisakiddwa: Isah Kimbugwe
