Government ya Uganda ng’ekolagana neginaayo eya Saudi Arabia bamalirizza enteekateeka y’okutandikawo ekibangirizi ekigenda okuyambako okutumbula ekirime ky’emmwanyi mu district ye Luweero nga bazirima n’okuzongerako omutindo.
Enteekateeka eno yakumalawo obukadde bwa doola za America 160 nga muza Uganda bwe buwumbi obusoba mu 574 nobukadde 559.
Project eno esuubirwa okutondawo emirimu egiri eyo mu 2500..
Omubaka wa government mu district ye Luweero Abel Bekunda agambye nti ekkolero lino ligenda kutongozebwa mu January w’omwaka ogujja 2026.
Kisitu Austine akulira project eno eya Luweero coffee Park agambye nti president yabalagidde okutandikawo project eno okubbulula ekitundu kye Luweero, ekyakola ekinene mu kuleeta government ya NRM mu buyinza.
Abamu ku balimi b’emmwanyi mu ktundub bagamba nti basanyufu nti ekkolero lino ligenda kubayamba okwongera okuganyulwa mu kirime ky’emmwanyi.
Ekkolero lino lisuubirwa okuyambako Uganda okuyingiza obuwuumbi bwa doola za America 10 buli mwaka wetunatuukira mu mwaka gwa 2030.#
Bisakiddwa: Lukenge Sharif
