Government ya Uganda ng’eyita mu kakiiko kaayo akatwala ebyemizannyo aka National Council of Sports, bakwatiddeko omuvuzi w’emmotoka z’empaka nakinku Yasin Nasser, okumwanguyiza mu lugendo lwe lwaliko okuwangula egule ya Africa eya Africa Rally Championship ey’omwaka guno 2025.
Yassin agenda kuvuganya mu mpaka ezigenda okuggalawo calender ya Africa Rally Championship ezigenda okubeera e Morogoro Tanzania okuva ku Saturday nga 20 September,2025.
National Council of Sports ekwatiddeko omuvuzi ono, mu byentambula, okutambuza emotoka ye n’ebyensula.
Uganda enoonya okuwangula egule ya Africa oluvanyuma lw’ebbanga lya myaka 26.
Munnauganda asembayo okugiwangula ye mugenzi Charles Muhangi mu 1999.
Yasin Nasser ajja mu mpaka zino nga yakulembedde n’obubonero 114, ate munnansi wa Tanzania Samman Vohra wakubiri n’obubonero 106.
Bisakiddwa: Isah Kimbugwe
