Ekibiina ekitaba abakugu mu nzirukanya y’ebyuuma ebikozesebwa mu malwaliro ekya Uganda National Association for Medical and Hospital Engineering, kyagala government eyongere ensimbi mu buweereza buno ng’egula ebyuma ebituukana n’omulembe.
Bano bino babyogeredde mu lukungaana lwabwe olw’omulundi ogw’okusatu, olugendereddwamu okutereeza obuweereza bwabwe nga lubumbujjidde ku Makerere University.
Mu lukuηaana luno aba Uganda National Association for Medical and Hospital Engineering, baasazeewo okukwatagana ne ministry yeebyobulamu, okusalira wamu amagezi kungeri yokufuna ebyuuma ebituukana n’omutindo, okusobozesa banna Uganda okutuusibwako obujjanjabi obusaanidde.
Bano bagamba nti ssinga Uganda eteeka essira ku kugula ebyuma eby’omutindo mu malwaliro gaayo, Uganda yakwongera okuyingiza ku nsimbi nga naabalwadde mu mawanga agatuliranye bajja wano okujjanjabwa (Medical Tourism).
Eng. Tadeo Byabagambi, amyuuka kaminsona avunaanyizibwa ku by’obujjanjabi obwekikugu, n’okulondoola ebyuuma ebikozesebwa mu malwaliro mu ministry y’ebyobulamu, asinzidde mu lukuηaana luno naagamba nti government efubye okubaako ebyuma ebyomutindo byeteeka mu malwaliro naddala ebyeetagisa mu ward ezaabalwadde abayi ennyo (Emergency care).
Dr. Byabagambi annyonyodde nti government efubye n’okuwandiisa abakugu mu kuddukanya ebyuma bino mu malwaliro ageenjawulo n’okuzimba ebifo ebimu webisobola okukolerwa wano mu Uganda.
Bisakiddwa: Ddungu Davis
