Ttiimu ya Uganda ey’omupiira ogw’okubakaa eya She Cranes, eremereddwa okuwangula empaka za Africa eza Africa Netball Championships ez’omwaka guno 2025 oluvanyuma lw’okukubwa South Africa mu mupiira ogwakamalirizo ku bugoba 56 ku 34.
Ekitundu ekisooka South Africa ekiwangudde ku bugoba 16-07, ekitundu eky’okubiri era South Africa ekiwangudde ku bugoba 16 ku 27.
Ekitundu eky’okusatu South Africa ekiwangudde ku bugoba 43 ku 26 ate olwo eky’okuuna kikomekerezedwa nga South Africa omugatte ekubye She Cranes obugoba 56 ku 34.
Empaka zino zibadde ziyindira mu kibuga Lilongwe ekya Malawi, nga newankubadde She Cranes tewangudde kikopo kino, naye wetukidde ku final nga tekubidwamu yadde okukola amaliri.
Bisakiddwa: Isah Kimbugwe
