Ttiimu ya Uganda ey’omupiira ogw’ebigere eya Uganda Cranes eraze amaanyi mu mpaka za FIFA World Cup Qualifiers, bwekubye Mozambique goolo 4-0 mu mupiira ogubaddeko n’obugombe mu kisaawe e Namboole.
Goolo za Uganda Cranes zonna zitebeddwa mu kitindu eky’okubiri, nga ziteebeddwa Rogers Mato ateebyeko 2, Allan Okello ne Elio Capradossi.
Omupiira ogwasooka Mozambique yakuba Uganda Cranes goolo 3-1.
Uganda Cranes kati egenze ku bubonero 12 mu kifo eky’okubiri, nga basibaganye ne Mozambique eri mu kifo kyakubiri nayo n’obubonero 12, ate nga Algeria ekulembedde ekibinja kino G n’obubonero 18.
Guinea yakuna n’obubonero 10, Botswana yakutaano n’obubonero 08 ate nga Somalia esembye nakabonero kamu.
Uganda Cranes egenda kukomawo mu kisaawe ku Monday ejja nga 08 September,2025 okuzannya ne Somalia mu kisaawe e Namboole kusaawa 1 eyakawungeezi.
Amawanga gonna galwana okukiika mu World Cup omwaka ogujja 2026, anabeera mu America, Canada ne Mexico.
Bisakiddwa: Isah Kimbugwe
