Ttiimu y’eggwanga ey’omupiira ogw’ebigere eya Uganda Cranes, ,egenda kuyingira ekisaawe okuzannya ne Chad omupiira ogw’omukwano, okwongera okwetegekera empaka za Africa Cup of Nations ez’omwaka guno 2025.
Omupiira guno gugenda kuzannyibwa kussaawa 12 ezakawungezi nga 14 November,2025 mu kisaawe kya Berrechid Municipal Stadium ekisangibwa mu kibuga Berrechid ekya Morocco, nga ekisaawe kino kituuza abantu 5,000.
FUFA yateekateeka emipiira 2 egy’omukwano Uganda Cranes gy’egenda okuzannyira e Morocco.
Oluvanyuma lwa Uganda okuzannya ne Chad, olwo Uganda Cranes ejja kuzaako okuzannya ne Morocco nga 18 omwezi guno gwe gumu
Uganda Cranes emaze akaseera nga amakanda yagakuba e Morocco okwongera okwetegekera emipiira gino, era omutendesi Paul Joseph Put, yatwala ttiimu yabazannyi 28 okuzannya emipiira gino.
Empaka za Africa Cup of Nations Uganda Cranes zeyetegekera zigenda kuzanyibwa okuva nga 21 omwezi ogujja ogwa December okutuuka nga 18 January 2926 e Morocco.
Uganda Cranes eri mu kibinja C ne Nigeria, Tunisia ne Tanzania, nga Uganda ejja kusooka kuzannya ne Tunisia nga 23 December,2025.
Bisakiddwa: Isah Kimbugwe
