Uganda Cranes ekoze ekyafaayo eky’okusomoka omutendera gw’ekibinja omulundi gwayo ogusookedde ddala mu mpaka za Africa Nations Championships CHAN.
Uganda Cranes egudde maliri ne South Africa goolo 3-3 mu mupiira ogubaddeko n’okuluma obugigi.
Uganda Cranes yeyasoose okuteeba goolo eyakuteebeddwa Jude Ssemuagbi mu ddakiika eya 32.
Wabula ng’ekitundu ekyokubiri kyakatandika South Africa yakubye goolo 3 ez’omuddiringanwa, negukulembera ku goolo 3-1, olwo Uganda n’egugatta nga eyita mu peneti 2 ezigiwereddwa.
Uganda Cranes ebadde tevangako mu kibinja okuva lwe yatandika okuvuganya mu mpaka za CHAN mu 2011.
Uganda Cranes emazeeko ng’ekulembedde ekibinja C n’obubonero 7, Algeria nayo eyiseewo nga yakubiri n’obubonero 6 oluvanyuma lw’okugwa amaliri ne Niger 0-0 mu kisaawe kya Nyayo National Stadium e Nairobi Kenya.
South Africa ewanduse n’obubonero 6, Guinea ewanduse n’obubonero 4 ate nga Niger ewanduse n’obubonero 2.
Emipiira egiddako Sudan egenda kuzannya ne Senegal, ate nga Nigeria egenda kuzannya ne Congo Brazaville, era Uganda yakukwata ku ttiimu ezigenda okuyita mu kibinja kino.
Bisakiddwa: Isah Kimbugwe
