Ekitongole ky’eggwanga ekitambuza amasanyalaze mu ggwanga okuva mu mabibiro gaayo ki Uganda electricity Transmission company limited kiri mu mbeera yakusoberwa, olw’ebbanja kampuni ya umeme lyeyagenda tesasudde eriri mu buwumbi 500
Ebbanja lino liva ku masanyalaze kampuni ya Uganda Electricity Transmission Company Limited, geyaguzanga kampuni ya Umeme olwo nEegatuusa ku bannansi.
Mu March 2025, endagaano ya government ne Umeme ey’emyaka 20 lweyagwako.
Government ya Uganda yaliyirira UMEME obuwumbi bwa shs 500, olw’ebyuma byayo byeyalekera governemnt.
Alipoota ya Ssaabalondoozi w’ebitabo bya government ey’omwaka gw’ebyensimbi 2023/2024, eraga nti Umeme weyasibiramu ebyayo ekitongole ki UETCL kyali kigibanja obuwumbi 500 bweyagenda tesasudde.
Alipoota essomeddwa mu kakiiko ka parliament aka Cosase nga kekalondoola ebitongole bya government, eraze nti ekitongole ki UETCL tekimanyi ngeri gyekigenda okununula ensimbi zino kubanga Umeme yaggalawo.
Alipoota eno esomeddwa ssentebbe w’akakiiko kano Owek. medard Lubega Sseggona agambye nti ekitongole ki UETCL kyandikomekereza ng’ebbanja lino kirisiimudde mu bitabo byakyo nga terisasuddwa, kubanga esuubi ly’okusasulwa teririiwo.
