Akakiiko akalwanyisa enguzi aka State House Anti Corruption Unit kakutte abakungu ba government 2 abagambibwa okubulankanya ensimbi ezaalina okukola emirimu.
Abakwatiddwa kuliko akulira etambuza y’emirimu (CAO) mu district ye Kamuli, Mukiibi Nasser, n’akulira eby’ensimbi mu district yeemu Kifuuse Alex.
Anti Corruption Unit egamba nti baabulankanya ensimbi ezisukka mu bukadde bwa shs 600, ezaalina okuddaabiriza enguudo mu district ye Kamuli.
Kigambibwa nti baliko ensimbi zebaafulumya nga tebayise mu mitendera gigobererwa mu mateeka, nebaziwaayo zikozesebwe mu kuddaabiriza oluguudo lwa Namayingo – Kisozi road.
Kigambibwa nti era bakkiriza ku nsimbi ezo kusasulweko kampuni ya Raven Knights ne Total Uganda, n’ebitongole ebirala nga tebagoberedde mateeka.
Akakiiko kategeezezza nti abakwatiddwa bagenda kuvunaanibwa okukoza obubi ensimbi za government.#
