Omuteebi wa ttiimu y’eggwanga ey’omupiira ogw’ebigere eya Uganda Cranes, Shaban Muhammad, yegasse ku club ya Gor Mahia egucangira mu liigi ya babinywera eya Kenya.
Shaban Muhammad bamuwadde endagaano ya myaka 2, nga mu kiseera ekiyise abadde talina club oluvanyuma lw’okwabulira club ya Al Hilal Benghanzi eya Libya.
Okugenda mu club ya Gor Mahia kimazeewo n’envuvumo ezibadde ziyitiηana nti yandiddamu okwegatta ku KCCA eya Uganda Premier League.
Wano mu Uganda Shaban Muhammad azanyiddeko club endala okuli Onduparaka emirundi 2, KCCA emirundi 2 ne Vipers, ate nga yaliko ne mu club ya Raja Casablanca eya Morocco.
Mu club ya Gor Mahia gyagenze bannayuganda bangi babaddeyo okuli Khalid Aucho, Shafiq Kagimu, Dan Sserunkuma nabalala.
Bisakiddwa: Isah Kimbugwe
