Bannakyotera bennyamidde olwa police okulinnya eggere mu kivulu kya King Saha ekibadde kitegekeddwa mu kisaawe Kye Kasambya mu Kyotera town Council.
Ekivvulu kino kibadde kirangibwa ku mikutu gy’ebyempuliriganya n’okuyisa ebizindaalo mu byalo by’ekitundu, era nga n’abantu abanatunda ebyokulya n’okunywa babadse baatuuse dda okwenogera ku nnusu.
Kibadde kinaatera okuggulwawo, era nga n’abayimbi bamaze okweteekateeka balabidde awo nga police essazeeko ekifo nga tekyakkiriza muntu yenna kubeera mu kifo ekyo.
Omutegesi we kivulu kino Asiku Laymond agambye nti police ebadde yabawa dda olukusa era nga baasasula ne sente z’obukuumi saako okusasula ekifo, kyokka balabidde awo nga bakiyimirizza.
Agambye nti bafiiriziddwa nyo kumpi obukadde bwa shs 75, era nategeeza nti ensonga zandiba nga ziyingiddemu eby’obufuzi ku saawa esembayo.
Omwogezi wa police mubendobendo lye masaka Twaha Kasirye agambye nti tebalina bukuumi bumala kubanga kati bakyali mu kukuuma bali mu kakuyege w’obululu.
King Saha lweyasemba okuyimbira e Kyotera kigambibwa nti yalekayo essuula empya mu batuuze, nti nga yayimbanga alina oludda lyebyobufuzi lweyasojja ku luwonzi.#
Bisakiddwa: Ssozi Ssekimpi Lwazi
