Police mu Kampala n’emiriraano eguddewo okunoonyereza ku nfa ya Dr. Tom Patrick Mugizi, abadde omusomesa ku matendekero okuli Victoria University ne Makerere Business School (Mubs) yaasangiddwa afiridde mu nnyumba ye.
Dr. Tom Patrick Mugizi ow’emyaka 64 nga mutuuze wa Kisota zone mugombola ye Kikaaya mu division ye Nakawa mu Kampala,
Okusinzira ku police kigambibwa nti aboluganda lwe babadde bamaze ennaku eziweerako nga bakuba ku ssimu ye nga tebamufuna, okusuuza mwannyina Annet Runtemu bweyakubidde baliraanwa be bamukebereko mu nju ye.
Kitegerekese nti oluvanyuma lwokukebeera ennyuma ye baamusanze yafiira ku buliri bwe, wabula nga mu nju tewali kintu kyonna kyali kitwaliddwa.
Amyuka omwogezi wa police mu Kampala n’emiriraano Luke Owesigire agambye nti omulambo bagututte mu ddwaliro e Mulago okwongera okwekebejjebwa.
