Police mu Kampala n’emiriraano ekutte abagambibwa nti babadde bakozesa emuddu okwenyigira mu bumenyi bw’amateeka obwenjawulo nebatigomya abantu mu bitundu ebimu mu district ye Wakiso.
Abakwatiddwa y’e Kirumira Joseph kigambibwa nti y’abadde atereka basitoola egambibwa nti gyebabadde beyambisa okubba abantu, Kisekka Richard kigambibwa nti basitoola ebadde ekozesebwa y’abadde atambula nayo.
Abalala abakwatiddwa ye Mande Richard Bumali Mukama oluusi yeyita Wasi wasi, nga kigambibwa nti bano babadde batigomya ebintu omuli Nsangi, Kyengera, Nabbingo n’ebirala ebiriranyewo.
Bakwatiddwa police ye Katwe mu bikwekweto byebirimu ebyokufuuza abamenyi b’amateeka, naddala mu bitundu bino abantu gyebabade batandise okulaajana abebijjambiya.
Police etegeezezza nti emuddu bano gyebabadde bakozesa eginunudde era eri mu mikono gyayo, kyoka nga basangiddwa ne bintu ebikozesebwa okumenya amateeka ebirala ng’ejjambiya 2, ebiggula amayumba,ebifaaliso 2, engoye, TVs n’ebirala.
Amyuka omwogezi wa police mu Kampala n’emiriraano Luke Owesigire agambye nti ebikwekweto eby’engeri eno bikyagenda mu maaso.#
