Ebibiina byobufuzi bibiri ku ludda oluvuganya government ya NRM okuli ekya Peoples Front For Freedom ((PFF) ne Alliance For National Transformation (ANT) batadde omukono kundagaano ey’okukolera awamu mu kalulu ka 2026.
Ebibiina byombi ANT NE PFF kinajjukirwa nti byava mu kibiina kya FDC oluvanyuma lw’okufuna obutakanya.
Emikolo gy’okuteeka omukono ku ndagaano gyibadde ku Hotel African mu kibuga Kampala era nga gyetabidwako banna byabufuzi abenjawulo kuludda oluvuganya government.
Bwabadde ayogerera mu lukuηηaana luno Lord Mayor wa Kampala era akulrmbera PFF agambye nti endagaano eno bagala eleme kukoma ku mpapula wabula bagala egende nemubikolwa.
Lukwago agambye nti kawefube gwebaliko bagala akalulu akajja aka 2026 oludda oluvuganya government okukolera awamu okuleeta enkyukakyuka mu ggwanga.
Alice Alaso okuva mu kibiina ki ANT ye agambye nti bakooye oludda oluvuganya government okubeera muntalo buli akalulu lwekatuuka, nga agamba nti akaseera katuuse batambulire wamu, okwaηηanga government y NRM.
Bisakiddwa: Lukenge Sharif
