Sipiika wa parliament Anitah Annet Among alabudde bannauganda okukomya okukyakyankya n’okujaguza ng’omuntu afudde, n’agamba nti kiba kikolwa ekikontana n’obuwangwa ng’ate kireka enyiike mu mitima gy’abantu.
Sipiika abadde aggulawo olutuula lwa parliament olwenjawulo olutegekeddwa okujjukira n’okusiima emirimu gyeyali minisita omubeezi ow’abakozi Rtd Col. Charles Engola, eyattibwa omukuumi we.
Omulambo gwa Engola guleeteddwa mu parliament ku ssaawa nga mukaaga n’ekitundu.
Among agambye nti banauganda naddala abakozesa emikutu gimugatta bantu ensangi zino bakifudde kinyumu, omuntu bwafa okujaganya kyagambye nti tekiraga bugunjufu.
Mu buwuufu bwebumu Among akubirizza bannauganda okwewala okukozesa emundu okugonjoola okusoomozebwa kwebayitamu, wabula bettanire enkola y’okugonjola ebizibu mu nkola ey’obuntu.
Abakungu abenjawulo bogedde ku mugenzi Charles Engola ng’omuntu abadde omukozi ennyo, era aweerezza eggwanga lye mu biti ebyenjawulo.
Bisakiddwa: Edith Nabagereka
