Alipoota empya efulumiziddwa aba Coalition Against Illicit Alcohol Uganda (CAIA-UG) ne Arrow Empirical Research Institute ezudde nti okunywa Enguuli oba omwenge ogutali mu mateeka kyongedde okukosa obulamu bwanna Uganda
Alipoota eno eraga nti omwenge ogutali mu mateeka gukola ebitundu 65% ku mwenge ogunywebwa mu ggwanga lyonna.
Alipoota eno nga yesigamiziddwa ku kunoonyereza okwakoleddwa mu kibuga Kamapala ne district ye Arua, ezudde nti omwenge guno guleeta obulwadde obuwerako omuli okulwaza ekibumba, okuziba amaaso, okulemererwa kw’ebitundu by’omubiri, kookolo, n’eddwadde nnyingi ez’omutwe.
Era eraze nti ebitundu 65% ku mwenge ogunywebwa mu Uganda teguli mu mateeka , nga gulimu obutwa obutuuka ku miwendo gya 640.59 mg/L.
Abavubuka ebitundu 39% batandika okunywa omwenge guno nga tebannaweza myaka 18 egy’obukulu, ate 19% ku bakola omwenge guno bakkiriza nti baguguza abaana abatanneetuuka.
Bwabadde ayogera ku mukolo gw’okutongoza alipoota eno ku Sheraton Hotel mu Kampala, ssentebe wa Coalition Against Illicit Alcohol Uganda Myriam Sidibe asabye bekikwatako okwongera amanyi mu kukwasissa amateeka agalwanyisa omwenge guno ogutali mu mateeka.
Bisakiddwa: Betty Zziwa
