Police y’e bidduka ekakasizza nti abantu 3 bafiiridde mu kabenje akagudde ku luguddo lwa Entebbe Expressway, nga akabenje kano kaguddewo olwaleero ku saawa nga kumi na bbiri n’ekitundu ezokumakya, ku monday nga 16 March,2026.
Akabenje kagudde mu kitundu ekimanyiddwa nga Mpala Interchange, ku luguddo lwa Entebbe expressway era nga babadde batambulira mu mmotoka No. UBG 734S Toyota Landcruiser.
Ssenyonjo Bosco omusuubuzi mu kibuga Masaka y’afudde abaddemu n’abomumaka ge nga boolekera ku kisaawe Entebbe, kyokka bwatuuse e Mpala, emmotoka neemulemerera nakoona ebitala olwo neyefuula.
Abantu 3 bafiiriddewo mbulaga, ate 2 baddusiddwa mu ddwaliro lya Grade B Entebbe nga bataawa.
Omwogezi wa police y’ebidduka mu ggwanga Micheal Kananura asabye abantu abavugira ku luguddo luno okumanya nti terwetaga misinde giyitiridde, okusukka kw’egyo egirambikiddwa ku bupande.
Kananura agambye nti batandise okunoonyereza ekivuddeko akabenje kano.
