Police mu district ye Rukiga erina omukozi wa radio emu gwekutte ku bigambibwa nti abadde atambula ne pasitola mu kiwatu, n’ekigendererwa eky’okutiisatiisa abantu.
Akwatiddwa ye Douglas Natukunda myaka 27 egyobukuli, mutuuze w’e Nyangorogoro mugombola ya Rwamucucu mu district ye Rukiga.
Okwatiddwa kiddiridde abantu okumwemulugunyako nga bwatambula ne pasitola era nti babadde batya okumusemberera.
Omudduumizi wa police mu kitundu, Moses Karakire Musinguzi ne ttimu kwekusalawo okumukwata.
DPC yebazizza abatuuze olwokulonkoma omuntu ono naasobola okukwatibwa, era wakuggulwako emisango gy’okwagala okwefuula kyatali.
Omwogezi wa police etwala ekitundu kya Kigezi, Elly Maate asabye abantu okusigala nga bakolera wamu ne police , obumenyi bw’amateeka mu bitundu bujja kuggwawo.#
