Ttiimu y’eggwanga ey’omuzannyo gw’ensero eya Uganda Silverbacks, akalulu kagisudde mu kibinja D mu mpaka za FIBA Basketball World Cup Qualifiers ez’omwaka 2027.
Mu kibinja D Uganda Silverbacks erimu ne Mali, Angola ne Misiri, ng’obululu buno bukwatiddwa mu kibuga Doha ekya Qatar.
Empaka zino ez’okusunsulamu zigenda kuzannyibwa okuva mu November 2025 okutuuka mu March 2027.
Uganda Silverbacks ejja kuzannya emipiira gyayo egisooka mu February 2026, era ejja kuggulawo ng’ettunka ne Angola nga 26 February.
Bisakiddwa: Isah Kimbugwe
