Katikkiro wa Buganda atenderezza emirimu egyakolebwa Omugenzi Joseph Kabenge naasaasira aba family ye olw`okuvibwako omuntu ow’enkizo bwatyo.
Obubaka bwa Katikkiro busomeddwa omumyuka we ow`Okubbiri era Omuwanika w`Obwakabaka Past District Governor Owek. Robert Waggwa Nsibirwa, mu kitambiro kya Mmisa ekibadde mu Lutikko e Lubaga mu kusabira omwoyo gw`Omugenzi Joseph Kabeenge.
Omugenzi Joseph Kabeenge ye taata wa Ssenkulu wa Centenary Bank era akuliira olukiiko olufuzi olwa BBS Terefayina Omukungu Fabian Kasi.
Ssabasumba wessaza ekulu erye Kampala Paul Ssemogerere bwabadde akulembeddemu ekitambiro kyemmisa, Omugenzi amwogeddeko ng`omusajja abadde ayagala ennyo Katonda era akuzizza obulungi abaana be.
Fabian Kasi Ssenkulu wa Centenary Bank nga yayogedde ku lwa bamulekwa, yeebaziiza abo bonna abababereddewo mu kaseera kano akajjudde okusoomozebwa.
Anne Nkutu nga yayogedde Ku lwa Rotary club, Omugenzi amutenderezza olwengeri ey`omulembe gy’akuzizza abaana be, wamu nemirimu emirungi gyakoledde eggwanga lino.
Omugenzi agenda kuziikibwa nga 15 May,2025 e Masaka mu Buddu ku ssaawa munana ezemisana.
