Kyagulanyi Labudde abavubuka ba Ghetto abalowooleza mu kubawa obuwi – bakikomye batandike okwekolera
President wa National Unity Platform Robert Kyagulanyi Ssentamu Bobi wine agambye nti abavubuka abakyalowooza nti buli kintu kigenda kubaweebwa buweebwa nga tebeerwanyeeko nti bano bali mu tulo.
Kyagulanyi Ssentamu abadde ku kitebe kya NUP ku mukolo ogw’okujagulizaako abavubuka abateendekeddwa mu by’obukulembeze 184, ku mukolo ogubadde ku kitebe kya NUP e Makerere Kavule mu Kampala.
Kyagulanyi agambye nti akaseera katuuse abavubuka okukola ebintu ebisitula obulamu bwabwe nga berwanako, baleme kulinda kuweebwa buweebwa.
Omusomesa wa University era omulwanirizi w’eddembe Dr. Spire Ssentongo abadde omwogezi ow’enjawulo mu mukolo guno, alabudde banna byabufuzi abayiwa omusimbi mu byobufuzi nti bano bebaviiriddeko banna byabufuzi obutatuukiriza buvunanyizibwa bwabwe , olubalonda nebemalira kukununula sente zebaayiwa mu kalulu.
Dr.Spire.awadde ba foot soldier amagezi beemanyiize okulowooza ennyo ku byebakola n’ebigambo n’ebigambo byabwe, kubiyiinza okubivaamu nga baluubirira abalala okubegattako okusinga okubasindiikiriza, n’okukola obuvuyo.
Agambye nti enkola ey’okukyamuukirira tewangaala, nga n’olwekyo balina okusaayo omwoyo okwebuuza n’okuyiga.
Akulira oludda oluvuganya government mu parliament Joel Ssennyonyi awanjagidde government ekomye okutiisatiisa abasomesa ba Arts mu ggwanga nga basaba okuboongeza omusaala, wabula nabo bafiibweko basobole okusomesa abaana be ggwanga n’omutima gumu.
