Ekitongole ky’ebigezo mu ggwanga ekya UNEB kyassaawo nsalesale wa nga 15 October, 2024 eri amasomero gonna mu ggwanga okuba nga gamalirizza okuwaayo obubonero bw’abayizi ba S.4, obwava mu bintu byebazze basoma emyaka egiyise (continous assessment scores).
Mu nteekateeka y’ebisomesebwa empya, omuyizi waatuukira okutuula ebigezo bya S.4, amasomero galina okuweereza obubonero buli muyizi bwazze afuna okuva mu S.1, nga buno bugenda kuba bukola ebitundu 20%, ku bubonero bwonna bwafuna ku nkomerero y’ebigezo bya UNEB.
Okutwalira awamu, mu curriculum empya ebibuuzo bya UNEB byakutwala obubonero ebitundu 80%, ate obubonero obulala ebitundu 20% bwakuva mwebyo omuyizi byazze asoma emyaka egiyise okuva mu S.1.
Wabula nga wadde abayizi ba S.4 baataandise okukola ebigezo bya UNEB eby’akamalirizo nga 14 October,2024, amasomero agamu gabadde teganawaayo bubonero bw’abayizi abo.
Nsalesale eyatekebwawo UNEB agwako olwa leero nga 15 October,2024, nga kuliko n’engassi ya mitwalo 50,000/= erina okusasulwa essomero ku buli muyizi.