Ekitongole ekivunanyizibwa kuwandisa abantu mu ggwanga ki National Identification and Registration Authority (NIRA) kitandise okufulumya endagamuntu za bannauganda abazze bewandiisa okuzza obuggya endagamuntu zabwe okwetoloola eggwanga.
Giwezze emyezi ebiri bukya ekitongole kya NIRA kitandika okuwandiisa bannauganda abaalina endagamuntu ezaaggwako.
Mu mwaka 2014 NIRA lweyasookera ddala okuwa bannauganda endagamuntu, nga zaagwako mu 2024, wabula enteekateeka y’okuzizza obuggya neyongerwayo okutuuka mu May wa 2025, lwezaatandise okuzzibwa obuggya.
Abantu obukadde 3 n’ekitundu bebakewandiisa okuzza obuggya endagamuntu zaabwe, n’okuddamu okukwata ebinkumu, n’emmunye z’amaaso gabwe.
Mu bano kuliko president wa Uganda Yoweri Kaguta Museveni ne mukyala we, Katikkiro wa Buganda Charles Peter Mayiga ne mukyala we , n’abantu abalala bangi.
Okusinzira NIRA etegezeza nti Ndagamuntu za bannauganda emitwalo 100,000 zawedde dda era zigenda kusindikibwa mu bitundu by’e ggwanga ebyenjawulo ziweebwe bannyinizo.
Omuwandiisi wa NIRA Claire Olama asinzidde mulukungana lwa banamawulire ku kitebe kya Police e Naguru nategeza nti bakuweEreza obubaka obuliiko endagiriro obulaga buli muntu gyagenda okugya Endagamuntu ye, kwekusaba bannauganda okugoberera obubaka obunabasindikibwa basobole okufuna Ndagamuntu zabwe.
