Munnauganda era munnamawulire Shaka Ssali eyali aweerereza ku Voice of America, avudde mu bulamu bw’ensi ku myaka 71 egy’obukulu. Abadde abuzaayo wiiki 2 zokka okuweza emyaka 72.
Shaka Ssali omwana enzaalwa eye Kigezi Kabale afiiridde mu America gy’abadde abeera, nga wabadde wakayita emyezi mitono ng’aloongoseddwa obulwadde.
Shaka Ssali yaweza emyaka 29 ng’aweerereza ku mukutu gw’ebyamawulire ogwa Voice of America naddala ku ppulogulamu eya Straight Talk Africa.
Abadde amanyiddwa nnyo olw’okulambika ensonga ezikwata ku by’obukulembeze n’enfuga eya democracia mu Africa n’ensi yonna.
“let us keep African hope Alive”
” Get better not bitter”
Bye bimu ku bigambo byabadde ayogera ennyo mu buweereza bwe, ebizaamu abantu essuubi.
Abadde yamummula emirimu gy’amawulire okuva mu mwezi gwa May 2021.#
