Omukutu gw’ebyempuliziganya ogwa MTN Uganda guwaddeyo Obuwumbi 50 n’Obukadde 55 eri ekitongole ekiruηamya emikutu gy’ebyempuliziganya ki Uganda communications commission, okudduukirira ebitundu bya Uganda ebitayimiridde bulungi mu by’empuliziganya eby’Omutimbagano.
Ensimbi zino eziweereddwayo eri UCC, zeyongedde okuva ku buwumbi 42.5 ezawebwayo omwaka ogwayita 2024, nga zino zivudde ku magoba ga bitundu 2% agakolebwa buli mwaka.
Ssenkulu wa Uganda communications commission Nyombi Thembo asinzidde ku kitebe kya Uganda Communications Commission e Bugoloobi bwabadde akwasibwa ensimbi zino, nategeeza nti zakuyamba government okutumbula ebyempuliziganya mu bitundu omukyali okusoomozebwa kwa internet, mu kaweefube wa government ow’okwanguyiza bannansi obuweereza by’obusuubuzi, ebyempuliziganya, ebyobulimi, n’ebyobulamu ebiddukanyizibwa ku mitimbagano.
Ssenkulu wa MTN Uganda Sylvia Mulinge, yebazizza Banna Uganda abongedde okwettanira obuweereza obwenjawulo omuli okutambuliza ensimbi ku mobile money, Okugula Obusaaganda (Data) n’okugula Airtime, ebisobozesezza Kampuni okukola amagoba.
Bisakiddwa: Kato Denis
