Minister omubeezi ow’ebyensimbi n’okuteekerateekera eggwanga Amos Lugoloobi police emukutte, ku bigambibwa nti yenyigira mu vvulugu w’okwezibika amabaati agaali galina okuweebwa abawejjere e Kalamoja.
Ekiwandiiko ekifulumiziddwa police kitegezezza nti Lugoloobi asuubirwa okutwalibwa mu kooti ku monday ejja.
Mu kiseera kino akuumibwa ku police ye Kira.
Lugoloobi ye minister ow’okubiri okuggulwako emisango gy’okwezibika amabaati ge Kalamoja.
Munne Mary Gorret Kitutu ayimbuddwa ku kakalu ka kooti, oluvannyuma lw’ennaku 8 zaamaze mu komera e Luzira.
Waliwo ne ba minister abalala abasoba 10 abagambibwa okugabana ku mabaati ago.#
