Omukulembeze w’ekibiina kya NUP Robert Kyagulanyi ssentamu Bobi wine ayagala amawanga ga Bulaaya genyigire mu kawefube w’okunoonya bannakibiina kya National Unity Platform abazze babuzibwawo nga nabamu bawezezza emyaka 4.egiyiseewo.
Kyagulanyi agamba nti nga Bungereza bweyavuddeyo n’eteeka envumbo ku sipiika wa Parliament Anitah Among n’abaali ba minister be Kalamoja Mary Gorret Kitutu ne Agnes Nandutu nga balangibwa ebigambibwa nti benyigira mu kwezibika amabaati g’abaweggyere be Kalamoja, n’okuzibiikiriza enguzi, nti eveeyo ku nsonga za bannaNUP abasibiddwa ebbanga ddene nga tebalabika.
Agambye nti ssibetegefu kuva ku mulamwa ogw’okunoonya banna kibiina kya NUP abawambibwa kati emyaka 4 ejiyise nga n’okutuusa kati tebalabikako nti ate nga waliwo abantu abazanyira mu nsonga eno.
Kyagulanyi ssentamu asinzidde mu lukungaana lwabanna mawulire olutudde ku kitebe kya NUP e Makerere Kavule nategeeza nti kikwasa ennaku ,okulaba nga nebitongole byebaali besiga nga baddukirayo okununula abantu babwe ate okubeera nekyekubiira mu nsonga eno.
Kyagulanyi wayogeredde bino nga minister w’abavubuka n’abaana Balamu Barugahare gyebuvudeko yategeeza eggwanga nti abamu ku bantu abanonyezebwa ekibiina kya NUP abamu baddukira dda ebweru w’eggwanga abalala bali ku mirimu gyabwe bakola.
Wabula Kyagulanyi agambye nti basanze akaseera akazibu ng’ekibiina mu kuyiga abantu babwe bano, nti kubanga ne family z’abawambibwa ezimu zatisibwatiisibwa obutaddamu kwogera ku bantu babwe abaabula.
Agambye nti tebagenda kuva ku mulamwa gw’akubanja bantu babwe wadde nga waliwo abagezaako okubaggya ku mulamwa
Kyagulanyi agambye nti bongedde okwekwata ku mawanga age bweru okwongera okuteeka nnati kubantu abatyoboola eddembe ly’obuntu mu ggwanga.
Kyagulanyi mungery yemu ayogedde ne ku ntambula zabwe ng’ezikibiina ez’okutalaaga eggwanga, nategeeza nti betegefu okukwatagana n’omuntu omulala yenna kuludda oluvuganya governmenr kasita babeera ku mulamwa gwegumu.#
