Mawokota etandise nabuwanguzi mu mpaka za Masaza ga Buganda 2025 e Buwama
Ttiimu y’essaza Mawokota etandise nabuwanguzi mu mpaka za Masaza ga Buganda ez’omupiira ogw’ebigere ez’omwaka guno 2025 bw’ekubye Buweekula goolo 2-1 mu kisaawe e Buwama.
Omupiira guno ogubaddeko n’obugombe, Mawokota yesoose okuteeba era goolo zonna ziteebeddwa Isingoma George, ate eya Buweekula eteebeddwa Candia Benon.
Omupiira guno gwetabiddwako minister w’ebyemizannyo abavubuka ne bitone Owek Ssalongo Robert Sserwanga, omuyima wa ttiimu y’essaza Mawokota Dr Lawrence Mulindwa, Kayima Sarah Nannono Kaweesi, ne Hon Lubyayi John Bosco Sseguya.
Kisiki era yeyamye buli mupiira okugulira Bannamawokota tickets 100, era ono ajjukirwa nti ye yakulemberamu Mawokota okuwangula ebikopo byonna 3 byerina.
Emipiira emirala Mawogola ekubye Butambala goolo 1-0 e Ssembabule, Kyaggwe ekubye Kkooki goolo 2-0 e Mukono, Busujju ekubye Busiro goolo 1-0 e Kakindu ate nga Bugerere egudde maliri ne Buvuma goolo 1-1 e Ntenjeru.
Bisakiddwa: Isah Kimbugwe
