Ebya club ya KCCA byongedde okwononeka, URA egiwandudde mu mpaka za Stanbic Uganda Cup 2025/2026 ku peneti goolo 4-2.
Omupiira guno ogubaddeko n’obugombe guzanyiddwa mu kisaawe e Nakivubo.
KCCA yesoose okukulembera omupiira guno ku goolo 2-0 eziteebeddwa Saidi Mayanja ne Herbert Achai.
Wabula URA evuddeko mabega okugatta omupiira guno, nga eyita mu bazannyi John Innocent Kisolo ne Ronald Otti.
Joseph Ssemujju, Ronald Otti, Moses Aliro ne Isma Mugulusi be bateebedde URA mu peneti ate Disan Galiwango nalemwa.
Ku ludda olwa KCCA, Joel Sserunjogi ne Ashiraf Mugume be bateebye goolo ate Herbert Achai ne Enock Walusimbi ne balemwa.
URA ku semifinal yegasse ku Vipers eyasoose okuyitawo oluvanyuma lw’okuwandulamu club ya NEC.
Kitara yegenda okuddako okuzannya ng’ettunka ne Express FC mukwano gwabangi mu kisaawe kya Royal Park e Butema Hoima.
Happy Boys Kagaba egenda kuttunka ne Villa Jogo Ssalongo e Kasanda.
Bisakiddwa: Isah Kimbugwe
