Omumyuka Owookubiri owa Katikkiro era Omuwanika wa Buganda Owek. Robert Waggwa Nsibirwa agguddewo omwoleso gwa CBS PEWOSA ogw’ebyobulimi, obulunzi, obuvubi ne tekinologiya, oguyindira ku mbuga y’Essaza Buddu mu kibuga Masaka.
Owek. Nsibirwa asabye abantu okukozesa omukisa gw’emyoleso okulwanyisa obwavu nga basaka amagezi okuva ku balala bye bakola, okweyambisa tekinologiya okugatta omutindo ku mirimu gyabwe, n’okufunira ebintu byabwe akatale.
Yebazizza leediyo CBS olw’okutegeka omwoleso guno, neyeebaza ne bannamukago, abavujjirizi, aboolesi, abalambuzi, abaguzi n’abantu bonna abaliko kye bakoze okulaba nti omwoleso guno gubeerawo nga mulungi ddala.
Owek. Nsibirwa agugguddewo ku lwa Katikkiro Charles Peter Mayiga.#
