Kabaka Foundation ne bannamikago bajjanjabye abantu ba Kabaka mu Busiro

Ekitongole kya Kabaka Foundation kitongozza olusiisira lw’ebyobulamu olugenda okumala ennaku 2 mu Ssaza Busiro mu Gombolola ya Ssabagabo Nsangi ku St Joseph’s Catholic Church Kyengera.

Lugguddwawo Omumyuka owokubiri owa Katikkiro era Omuwanika wa Buganda Owek Rotarian Robert Waggwa Nsibirwa.

Owek Robert Waggwa Nsibirwa n’Owek.Cotilda Nakate Kikomeko

Ssabasumba w’essaza ekkulu era Kampala Bishop Paul Ssemogerere agamba nti government ekyalina omulimu munene okutuusa obujjanjabi ku bantu , ng’eteeka eddagala eryegasa n’abasawo mu malwaliro.

Super Supreme Mufti Sheik Muhammad Galabuzi asinzidde ku mukolo guno naasaba government okubeerako ne byeyigira ku Kabaka atadde amaanyi kukujjanjaba abantu, okutuukira ddala wansi mu byalo.

Okuva ku ddyo,Ssaabasumba wa Kampala Paul Ssemogerere, Super Supreme Mufti Sheik Muhammad Galabuzi, n’Omulabirizi w’e Namirebe Moses Banja

Omulabirizi w’e Namirebe Moses Banja yeyanziza nnyo Ssaabasajja Kabaka olw’okusoosowaza ensonga z’ebyobulamu era asabye abantu okwekebezanga.

Okuva ku ddyo, Ssekulu wa Kabaka Foundation Kaggwa Ndagala, Ssaabasumba Paul Ssemorere ne Ssebwana Charles Kiberu Kisiriiza

Minister w’ebyobulamu mu bwakabaka Owek Cotilda Nakate Kikomeko agamba nti ensiisira zino zikolebwa nga zisimbibwa mu ssemasonga wa Buganda eyokuna, 4 ey’okukulaakulanya abantu n’okubakuuma nga balamu bulungi era bakugenda mu maaso n’enteekateeka nga zino.

Bisakiddwa: Nakato Janefer