Akasattiro kagudde mu kibiina ki Uganda Peoples Congress akakiiko kebyokulonda bwekasazeewo nti abakulu ababiri abeeyita ba president ba UPC Jimmy Akena ne Adim Dennis Enapu tekuli noomu atuukiridde okukwaata bendera ya UPC okuvuganya ku ntebbe yobwa president
Basajja bakulu abo bombi, batwaaala emikono eri akakiiko kebyokulonda okusunsulibwa okuvuganya ku ntebbe yobwa president nga bonna bagamba nti bebalina kaadi ya UPC ,akakiiko kebyokulonda kwekubayita katunule mu nsonga zaabwe olunaku olweggulo
Mu nsalawo yakakiiko kebyolonda eteereddwa mu bbaluwa ssentebbe wakakiiko kebyokulonda omulamuzi Simon Mugenyi Byabakama gyawandiikidde abakulu abo, akabatemye nti bombi tekuli atuukiridde okusinziira ku ssemateeka wekibiina ki UPC okukwaata kaadi ya UPC okweesimbawo kubwa president
Omulamuzi Simon Byabakama agambye nti Jimmy James Akena kkooti yamugoba ku bukulembeze bwa UPC oluvanyuma lwokumalako ebisanja bye ebibiri ebirambikiddwa mu ssemateeka wa UPC, kale nga nennongosereza zebaakola mu ssemateeka wa UPC gyebuvuddeko zaakolebwa mu bumenyi bwamateeka kubanga kkooti yali yasalawo dda
Kkooti yeemu enkulu kinnajjukirwa nti bweyagoba James Akena kubwa president bwa UPC, yamugaana nokuvuganya ku ntebbe yobwa president ku kaadi ya UPC kubanga yali takyakkirizibwa okusinziira ku ssemateeka wa UPC asaawo ebisanja ebibiri ,Akena byeyali amazeeko.
Akakiiko kebyokulonda kakirambise nti akisanja nobukulembeze bwa Jimmy Akena bwagwako ngennaku zomwezi 1 omwezi ogwomunaana nga kkooti bweyasalawo
Ye Adim Dennis Enapu eyeyita president wa UPC omutuufu, akakiiko kagambye nti naye teyasunsulwa mu butuufu kale nga ku bombi Jimmy Akena ne Fred Enapu tekuli akkirizibwa ssemateeka wa UPC okukwaata bendera ya UPC okuvuganya ku ntebbe yobwa president bweggwanga
Akakiiko kebyokulonda kawabudde enjuyi zonna okugoberera ssemateeka wa UPC okumalawo emiroboli egiri mu kibiina
Obukulembeze bwekibiina Kya UPC bwafuuka bwa kirwanire, ebiwayi 4 okuli ekikulemberwa Jimmy Akena, ekya Fred Enapu, ekya Peter Walubiri nekya Joseph Othieno byebikayaanira obukukembeze bwaakyo nga buli omu yeyita omukulembeze wa UpC omutuufu
Xxxx xxxxxx
