Government ya Uganda ng’eyita mu ministry y’ebyobulamu ebaze era neeyanjula eri parliament ebbago ly’etteeka eppya eri abakola, abatunda n’abatembeeya eddagala ly’abantu n’ebisolo mu ggwanga, erituumye The National Drug and Health Products Authority Bill 2025
Mu tteeka lino Government lyeyanjudde eri parliament, eyagala okuteekawo ekitongole ekiggya kituumibwe The National Drugs and Health Products Authority okukola omulimu gw’okuluηamya okukola, okutunda n’okutembeeya eddagala ly’abantu n’ebisolo mu Uganda.
Muno mulimu eddagala ly’abantu, ebisolo, ebizigo saako eddagala erikwata ku ndya y’abantu.
Government eyagala okuggyawo etteeka eririwo eriruηamya omulimu ogwo, erya National Drug Policy and Authority Act eryasaawo ekitongole ki National drug Authority, eryabagibwa mu mwaka gwa 1993.
Government egamba nti etteeka lino libadde likaddiye nnyo nga terikyatuukana na mbeera eriwo olwenkyukakyuka ezizze zibaawo mu nsi.
Mu tteeka lino eppya, government eyagala okuwera, okutunda, okukola, okulanga, okutembeeya, okufulumya n’okuyingiza mu ggwanga eddagala nga tofunye lukusa.
Kampuni oba Ekitongole kyonna ekinakola awamu n’okulanga eddagala eritakwatagana neebyo ebirungo ebiri mu ddagala mu ngeri yokudyeekadyeeka abagula eddagala eryo, government ettaddewo ekibonerezo kya kutanzibwa obukadde 400 oba okussibwa emyaka 5.
Okukola eddagala lyonna ewatali kufuna lukusa, goverment ettaddewo ekibonerezo kya ngassi ya bukadde 200 oba okussibwa emyaka 5.
Bwaba muntu kinoomu nga yakoze eddagala ewatali kufuna license, ekibonerezo kya ngasi ya bukadde 100 oba okussibwa emyaka 5
Okutembeeya n’okusaasaanya eddagala ewatali kufuna lukusa oba liyisinsi nakwo government egenda kukuwera, era anaakikola nga tafunye liyisinsi wakusibwa emyaka 5 oba okutanzibwa obukadde 100.
Okuyu?ingiza mu ggwanga eddagala n’okulifulumya, government nakwo ekutaddeko obukwakulizo, abakikola balina okubeera ne layisinsi
Ebbago ly’etteeka lino,sipiika Anita Among alisindiise eri akakiiko ka parliament akalondoola ebyobulamu okulyekeneenya, oluvanyuma lw’ebbanga lya nnaku 45 likomezebwemewo mu parliament likubaganyizibweko ebirowoozo.#
