Government okuyita mu ministry y’ekikula ky’abantu, etadde omukono ku ndagaano ne Makerere University Business school e Nakawa, okutandikawo enteekateeka y’okubangula abakyala mu by’okukwatamu n’enkuza ya business.
Enteekatreka eno eyise mu project ya Grow, government mweyita okuwola abakyala okukola business n’okwekulakulanya.
Enteekateeka eyokusomesa abakyala mu bya business, eruubirirwa okukwasizaako abakyala emitwalo 2, nga kubano abakyala 3,000 balina okuba nga bava mu nkambi z’abanoonyi boobubudamu.
Bwabadde atongoza enteekateeka y’okusomesa abakyala ku mukolo ogubadde ku Front Page Hotel e Namasuba, Ssengendo John, avunanyizibwa ku nsimbi za Grow mu ministry yeekikula kyabantu, agambye nti abakyala bangi batandikawo business naye nga tebamanyi ngeri yakuzikuza n’okuzibala obulungi, ekibaviirako okufirizibwa amagoba.
Abakyala abanaabangulwa baakusembebwa abakulembeze baabwe mu government ez’ebitundu gyebabeera.
Bisakiddwa: Ddungu Davis
