Gomba etandise okutangaaza emikisa gyayo egy’okwesogga oluzanya olwakamalirizo bwekubye Buddu ku ggolo 2 – 1 mu kisaawe e Kabulasoke.
Mu mupiira ogubaddeko n’obugombe, goolo za Gomba zitebeddwa Allan Ofoyrwoth ne Kimera Kenneth, ate eya Buddu eteebeddwa captain Ayman Twaha Toure.
Mungeri yeemu mu kisaawe e Buwama, bannyimu aba Mawokota bagudde maliri ne Bulemeezi goolo 1-1.
Goolo ya Mawokota eteebeddwa Joseph Kayondo ate eya Bulemeezi etebeddwa Johnson Ssenyonga.
Kati ttiimu zonna zigenda kuddingana ku monday nga 09 October,2023 okufunako ttiimu ezigenda ku mutendera gwa final.
Bisakiddwa: Issah Kimbugwe
