Wabaddewo akanyolagano ak’amaanyi wakati wa police n’e kibiina kya FDC, police bwesudde emisanvu era neremesa akwatidde ekibiina kino bendera ku bwa president Nathan Nandala Mafabi ne tiimu gy’abadde atambudde nayo okukuba olukuηaana lwabwe olubadde lusembayo mu kitundu.
Olukuηaana luno babadde bateeseteese kulukuba Rwamwanja Katalyebwa town Council mu district ye Kamwenge, w police ebasuulidde emisanvu era nebalemesa okweyongerayo ng`ebasaba basooke bajiwe entegeka yabwe ku ngeri gyebabadde bagenda okutambulamu, ekiggye mu mbeera president w’ekibiina kino Patrick Amuriat Oboi ,era nebatandika okuwanyisiganya ebisongovu gyebiggweredde nga bakomywe awo olukuηaana nerutabaayo
Nathan Nandala Mafabi atuuse n’okulangira abasirikale nti enneyisa gyebamuyisizzaamu tebadde nnungi, nti wabula bebabadde bafiirwa kubanga abadde azze kukyusa mbeera zabwe.
Mukusooka Nandala ayogeddeko eri abantu Kahunge town council ne Biguli Town council, wakati mu kire ky’enkuba ebadde efudemba.
