Ekkanisa n’aboluganda lw’omugenzi Bishop Balagadde Ssekadde, bafulumizza ennambika esuubirwa okugobererwa mu nteekateeka z’okumuziika, nga 17 October,2024.
Wakuziikibwa ku lutikko e Namirembe.
Omugenzi atwaliddwa mu maka ge e Bugonga ewakumiddwa ku Wednesday atwalibwe ku kkanisa ya St.Mark’s e Namate ewategekeddwa okusaba, n’okuvannyuma atwalibwe ku lutikko e Namirembe.
Wategekeddwayo okusaba okwenjawulo e Namirembe okutuusa enkeera ku Thursday nga 17 October,20224 wagenda okuziikibwa.
Eno ye nteekateeka esembyeyo efulumiziddwa Omulabirizi w’e Namirembe Moses Banja, okuva ku yabadde esoose okufulumizibwa eyabadde eraga nti yabadde wakuziikibwa nga 18 October.
Omugenzi Ssekadde yafiiridde mu ddwaliro e Kisubi ku myaka 80 egy’obukulu, gyeyaddusiddwa ng’embeeraye etabuse wadde nga tabadde mulwadde kumala bbanga ddene.
Omulabirizi Ssekadde yeyali omulabirizi wokuna owe Namirembe, okuva mu 1994 -2009.#