Entambula esanyaladde ku luguudo oluva e Mityana okudda e Busunju ne Ssekanyonyi, olutindo olusangibwa ku kyalo Bbuye Kikumbi lubbomose tewakyali mmotoka yonna esala .
Emmotoka ennene zikwamye era nga n’ezimu wezaasuze, so ng’entonotono zisalinkiriza mu bukubo obutonotono obuliranyeewo.
Olutindo luno okubomoka abakulembeze mu kitundu bagamba nti ebimotoka ebinene ebya Sinotruck ebyetikka amayinja n’omusenyu ebiyita ku luguudo luno, nti byebiruviirako okubbomoka olw’obuzito.
Ssentebe wa Central division mu Mityana Municipality Wootonnova Fred agambye nti bazze batuukirira ab’ekitongole ky’ebyenguudo ekya UNRA ne bekikwatako okubataasa embeera embi ey’amakubo mu Mityana naye mpaawo kikolebwa.
Wootonnova agambye nti oluguudo olwa Mityana – Busunju ne Mityana – Kanoni zaaterkebwa mu mbalirira y’enguudo ey’omwaka gw’eby’ensimbi 2022-23, wabula n’okutuusa kati tewali kyali kikoleddwa.
Bisakiddwa: Naggirinya Alice