Ministry y’ebyobulamu efulumizza alipoota eraze nti enkola ey’okukebeza abakyala siriimu nga bali mbuto eyatuumibwa prevention of Mother to child Transmission, (MTCT), nti eyambye nnyo mu kulwanyisa okusaasaana kw’akawuka ka mukenenya mu baana abazaalibwa.
Enkola eno eya MTCT yatandikibwawo ku ntandika y’emyaka gya 2000, nga yagendereramu okulaba nti abazadde tebasaasaanya kawuka mu baana bebeetisse mu mbuto, sso nga kiyambako abakyala okumanya bwebayimiridde ku kawuka akaleeta mukenenya.
Alipoota ya ministry y’ebyobulamu egamba nti enkola eno, ebadde etambudde bulungi ddala eri abakyala abazaalira mu malwaliro kyokka nti wakyaliwo okusoomozebwa kw’abakyala abakyalemedde mu kuzaalira mu bamulerwa.
Dr Robert Mutumba, omumyuka wa kaminsona mu ministry yeebyobulamu avunanyizibwa ku kulwanyisa akawuka ka mukenenya, agamba nti enkola eno ssinga abakyala banayongera okujigondera yakuyamba nnyo okukendeeza akawuka.
Asabye government okwongera ku buvujjirizi bw’okulwanyisa mukenenya, okwewala ekibizibu ebinaddirira oluvannyuma lw’amawanga gaabazungu okusala obuyambi bwegabadde gawa Uganda.
Uganda egambibwa okuba ng’erina abantu abalina mukenenya abawera 1,500,000 abamanyiddwa mu malwaliro.
Bisakiddwa : Ddungu Davis
