Omwezi gwa April 2025 gunokoddwayo nga gwegukyasiinze okubeera n’ebbeeyi y’ebintu ebikozesebwa mu bulamu obwabulijjo okwekanama, bw’ogeraageranya n’emyezi esatu egyasooka egya 2025.
Bino biri mu alipoota y’ekitongole kyémiwendo ekya UBOS ey’omwezi ogw’okuna, eraze nti ebisale byeyongedde okulinnyamu okuva ku bitundu 3. 4% okudda ku bitundu 3. 5%.
Emiwendo egisinze okulinnya omwezi guno mulimu egyémmere ey’omuceere, ennyama, ssukaali, n’akawunga ka kasooli era emmere eyo okulinnya kitabangudde nnyo emiwendo gyébintu byonna, nákutataaganya ebyóbusuubuzi.
Ebirala ebyongedde okutabangula ebbeeyi yébintu mwe muli obutungulu, obummonde obuzungu, Engoye, enaanaansi, obutunda, nebirala.
Alipoota yeemu eraze nti wadde ebisale birinyeemu waliwo n’ebikendeddeko emabegako nga amafuta ga Petro, ne Diesel, Gas afumbisibwa, Ebyobulamu, ebyenjigiriza, amasanyalaze, ebyawoteeri nebyentambula byonna bikendeddeko.
Samuel Echoku ne Magomu Godfrey abakugu mu byémiwendo mu kitongole kya UBOS, abadde ku kitebe kyabwe mu Kampala, nebategeeza nti wadde emiwendo girinnyeemu, naye tegipaaluuse nnyo kiri awo kyokka kikosa nnyo obulamu bwa bulijjo.
Magoma amenye ebitundu emiwendo gye gyesinze okupaazibwa mu mwezi gwa April, nga mwe muli district eya Kampala, Mbarara, Masaka, Gulu, Arua, so ngáte e Mbale emiwendo gyébintu gibadde yaddeyaddeko.
Bisakiddwa: Ddungu Davis
