Police ye Budhaaya mu district ye Bugiri yeyambisizza embwa yaayo okukwata Okiru Sande, agambibwa okwekobaana nebanne abaliira ku nsiko, nebamenya edduka ly’omutuuze nebabbamu ebyamaguzi n’ensimbi enkalu obukadde bubiri.
Obubbi buno bubadde ku kyalo Maziriga mu gombolola ye Budhaya e Bugiri.
Abatuuze nga bakulembeddwamu sentebe Ojwari Francis bagambye nti edduka lyebaamenye lya Olowo Julius, elanga batutte minzaani, butto, omukyere, sukaali ne kalonda omulala abeera mu maduuka.
Ojwari asabye police ebongere ku bukuumi naddala ekiro, okulwanyisa ebikolwa by’obumenyi bwa mateeka ebyeyongedde mu kitundu kyabwe.#
Bisakiddwa: Kirabira Fred
