Government ya Uganda okuyita mu ministry y’ebyobulambuzi etongozza polojekiti y’ekkadiyizo eritambula n’ekigendererwa ky’okukuηaanya bwino ku ddagala ly’ekinnansi n’okusomesa abantu emigaso n’enkozesa yaalyo.
Minister omubeezi ow’ebyobulambuzi Hon Bahinduka Mugarra Martin ategeezezza nti nga bakolagana ne Ministry y’ebyobulamu, ekkadiyizo lino lyakwongera okumanyisa bannansi eddagala ly’obutonde eririmu ebika ebisoba mu 700 n’okutumbula enkozesa yaalyo mu bantu basobole n’okulyesiga.
Migadde Habib okuva mu Ministry y’Ensonga z’ebweru w’eggwanga ategeezezza nti polojekiti eno yaakuyamba nnyo okukendeeza ku nkozesa embi ey’eddagala ly’ekinnansi n’okutumbula eby’obulambuzi mu ggwanga.
Polojekiti eno yaakumala emyaka ebiri, Ministry ng’ekolagala ne University of Switzerland n’abakenkufu abalala nga batalaaga eggwanga okukuηaanya ebyafaayo bino n’okusomesa ku ddagala ly’ekinnansi.
Bisakiddwa Naluyange Kellen
