Omwogezi wa parliament Chris Obore agambye nti Omubaka wa mityana municipality Francis Zaake parliament tegenda kumukkirizza kudda mu office ya bwa commissioner, okutuusa nga court emaze okuwulira okujjulira kwa parliament kweyateekayo.
Obore ategeezezza nti court etaputa ssemateeka bweyamukirizza okudda mu office parliament yasalawo okujulira, era nti nokutuusa kati okujjulira okwo tekuwulirwanga.
Omubaka Francis Zaake ne bannamateeka be okubadde Marvin Ssaazi ne Aron Kiiza babadde bamuwerekedde ku parliament, nga bagala Zaake bamuggulirewo office ye eyobwa commissioner nga kooti etatupa ssemateeka bweyalagira asobole okukakalabya emirimu gye.
Wabula amyuka kalaani wa parliament Henry Waiswa yeremye okumuwa ebisumuluzo namutegeeza ntibesongaze ezamugobya mu office eyo tezinaggwa .
Obore era ategeezezza nti talaba nsonga lwaki Hon Zzaake yesiba ku Woofiisi ya Commissioner ate nga alina Woofiisi endala eyamuwebwa ng’Omubaka we Mityana esangibwa ku kizimbe kya Kingdom Kampala.
Wabula ye Omubaka wa mityana municipality Francis Zaake yesomye nga bwagenda okutandika okwasanguza ebyama bya Parliament singa Sipiika tapondooka namukkiriza okuddamu okutuula mu woofiisi ye nga Commissioner.
Kinajjukirwa nti Zzaake yagobebwa ku bwa Commissioner bwa Parliament ku bigambibwa nti yasiwuuka empisa navvoola Sipiika Anita Among, ng’ayita ku mutimbagano.
Zzaake yaddukkira mu Kkooti etaputa ssemateeka okumukkiriza addeyo ku bwa Commissioner oluvanyuma lw’okukizuula nti yagobebwa mu bukyamu.
Bisakiddwa: Ssebadduka Johnpaul