Ng’enkola bweri mu ekkulu erya Kampala nga lyetegekera okujaguza emyaka 100 egya Lutikko y’e Lubaga, buli Lwakusatu buli wiiki, Abakristu mu biti eby’enjawulo balamaga mu nkola ya Lamaga Yoyoota okudduukirira omulimu gw’okutereeza Eklezia n’ekifo kyonna kisaanire okujaguza emyaka 100 nga kitemagana.
Ssaabasumba Paul Ssemoogerere atikkudde ensimbi 73,128,000/= okuva mu kibiina etaba Abasaaserdooti ba Kampala n’okuva mu bitongole by’olukiiko olukulembera Abakristu abalala.
Mu ngeri ey’enjawulo Minisita wa Kampala Hajjati Minsa Kabanda naye ayooyoose n’ensimbi obukadde 3, Hajjati Faridah Nambi ayagala ey’omubaka wa Kawempe North naye awaddeyo ensimbi obukadde 2 n’asuubiza okwongera okuwagira.
Ssaabasumba Ssemoogerere yeebazizza abakristu n’abatali bamu abeenyigidde mu mulimu guno olw’okwagala ennyo Eklezia n’alaga essuubi nti olunaku werunaatuukira ng’ekifo kitemagana olw’okujaguza emyaka 100.
Abakristu mu ssaza ekkulu baakujaguza emyaka 100 egya Lutikko y’e Lubaga nga 26 October, 2025 era lwerunaabeera n’olunaku lw’essaza.
Bisakiddwa: Kamulegeya Achileo K
