Governmrnt etaddewo olwa nga 01 November,2023 digital number plates okutandika okussibwa ku mmotoka n’ebidduka ebirala byonna mu Uganda.
Enteekateeka ey’okuteeka Digital number plates ku bidduka yaletebwa omukulembeze w’eggwanga ng’emu ku nteekateeka ezigendereddwamu okuyambako okulwanyisa obumenyi bw’amateeka.
Yalina okutandiika okutekebwa mu nkola ku ntandiikwa y’omwaka gw’ebyensimbi guno ogwa 2023/24, Wabula tekyasoboka olw’okusika omuguwa okwaliwo mu bitongole bya government eby’enjawulo; okuli Ministry y’ensonga ez’omunda mu ggwanga, offiisi ya Kalisoliiso wa government n’ekitongole kya URA olw’okulemwa okukwatagana ku ngeri gy’erina okutekebwa mu nkola.
Mu mbeera yemu era waaliwo okwemulugunya ku muwendo gw’ensimbi ogw’emitwalo 751,000/= banaUganda gwebalina okusassulira number plates zino ku mmotoka empya, ate n’emitwalo 150,000/= okukyusa enamba enkadde.
Ababaka ba parliament abatuula ku kakiiko akavunanyizibwa ku by’enguudo nabo baakuba ebittuli mu busoboozi bwa Kampuni ya Joint Global Security eyawebwa omulimu ogw’okuleeta kuno digital numbers plates, ekyaletera government okugira ng’ejongezaayo
Minister omubeezi ow’eby’entambula Fred Byamukama agambye nti ku mulundi guno tebasuubira kwongezaayo nteekateeka eno, era erina okutandiika okutekebwa mu nkola ku ntadikwa y’omwezi ogujja nga 1 November 2023.
Mu mbeera yemu Minister Fred Byamukama agambye nti banaUganda balina okukimanya nti enteekateeka ey’okuteeka digital number plates ku bidduka byabwe egendereddwaamu kuyamba bbo, nga babeera basobola okubirondoola singa bibeera bibbiddwa.
Bisakiddwa: Mukasa Dodovico
