Uganda Cranes etandise bubi mu mpaka za Africa eza CHAN 2024, Algeria egikubye goolo 3-0.
Omupiira guno guzanyidwa mu kisaawe e Namboole, era abawagizi bakijjuzza.
Minister w’ebyemizannyo n’ebyenjigiriza era mukyala w’omukulembeze w’eggwanga Janat Kataha Museveni yaabadde omugenyi ow’enjawulo ku mupiira guno.
President w’omupiira mu Africa Dr Patrice Motsepe naye agwetabyeko.
Uganda Cranes omupiira guno egwefuze ebitundu 45%, ate Algeria egwefuze ebitundu 55%.
Algeria ekubye ebizungirizi 10 ku goolo, wabula ebibadde ku ntomo bibadde 5, ate Uganda ekubye ebizungirizi 11 ku goolo ate nga ebibadde kuntomo bibadde 3 byokka.
Mu kibinja C omuli Uganda Cranes, Guinea ye yasoose okukuba Niger goolo 1-0.
Uganda Cranes egenda kukomawo mu kisaawe ku Friday nga 08 August,2025 okuzannya ne Guinea mu kisaawe e Namboole, wabula era wakusookawo Algeria ng’ettunka ne South Africa.#
Bisakiddwa: Isah Kimbugwe
