Ttiimu y’eggwanga ey’omupiira ogw’ebigere eyabalenzi abatasussa myaka 18, yesozze oluzannya olw’akamalirizo olw’empaka za CECAFA U18 Boys Championships eziyindira e Kenya ekubye Rwanda goolo 1-0.
Omupiira guno guzannyiddwa mu kisaawe kya Jomo Kinyatta Mambo Leo Stadium mu kibuga kye Kisumu.
Goolo ewadde Uganda obuwanguzi eteebeddwa Abubaker Mayanja mu dakiika eya 56.
Uganda okutuuka wano, yasoose kuyita ku mutendera gw’ebibinja, nga yava mu kibinja B ng’ekikulembedde n’obubonero 6.
Tanzania nayo yayiseewo mu kifo eky’okubiri n’obubonero 4, ate Zanzibar ne South Sudan nebawanduka.
Abamu ku bazannyi abayambye Uganda okutuuka ku final olwaleero ye Abdul Magada, Mpasa Swabiri, Charles Batiibwe, Mutebi Hakim, Kisolo John Innocent, Abasi Kyeyune, Travis Mutyaba n’abalala, nga bakulrmbeddwamu omutendesi Morley Byekwaso.
Mu luzannya olwakamalirizo,
Uganda erindiridde omuwanguzi wakati w’abategesi aba Kenya abazannya ne Tanzania.
Bisakiddwa: Isah Kimbugwe
